ಸೀತಾಪಹರಣ ಯಕ್ಷಗಾನ ಮತ್ತು ಪ್ರವೀಣ್ ಗೋಲ್ಖಿಂಡಿ ಅವರಿಂದ ಕಲಾಪರ್ವ !! sticky icon

ಸೀತಾಪಹರಣ ಯಕ್ಷಗಾನ - Apr 30ರಂದು Santa Clara High School ನಲ್ಲಿ

ಯಕ್ಷಗಾನದ ಶ್ರೇಷ್ಠ ಕಲಾವಿದರಾದ ಹಾಗೂ ರಾಷ್ಟ್ರಪ್ರಶಸ್ತಿ ವಿಜೇತರಾದ ದಿವಂಗತ ಕೆರೆಮನೆ ಶಿವರಾಮ ಹೆಗಡೆಯವರಿಂದ 1934 ರಲ್ಲಿ ಸ್ಥಾಪಿಸಲ್ಪಟ್ಟು ನಂತರ ಯಕ್ಷಗಾನ ಕ್ಷೇತ್ರದ ಮಹಾನ್ ಚೇತನ ದಿವಂಗತ ಕೆರೆಮನೆ ಶಂಭು ಹೆಗಡೆಯವರ ದಕ್ಷ ನೇತೃತ್ವದಲ್ಲಿ ಬಹಳಷ್ಟು ಪ್ರದರ್ಶನಗಳನ್ನು ನೀಡಿ ಜನಮನ್ನಣೆ ಪಡೆದ ಹಾಗೂ ಪ್ರಸ್ಥುತ ಅವರ ಮಗ ಕೆರೆಮನೆ ಶಿವಾನಂದ ಹೆಗಡೆಯವರ ಕ್ರಿಯಾಶೀಲ ನಿರ್ದೇಶನದಲ್ಲಿ ಯಶಸ್ಸನ್ನು ಕಾಣುತ್ತಿರುವ 8000ಕ್ಕೂ ಹೆಚ್ಚು ಪ್ರದರ್ಶನಗಳನ್ನು ದೇಶ ವಿದೇಶಗಳಲ್ಲೆಲ್ಲ ನೀಡಿದ ಶ್ರೀ ಇಡಗುಂಜಿ ಮಹಾಗಣಪತಿ ಯಕ್ಷಗಾನ ಮಂಡಳಿಯು ತನ್ನ ಹನ್ನೊಂದು ಜನ ಕಲಾವಿದರೊಂದಿಗೆ ಪ್ರಪ್ರಥಮ ಬಾರಿಗೆ ಬೇ ಏರಿಯಾದಲ್ಲಿ ತಮ್ಮ "ಸೀತಾಪಹರಣ" ಎಂಬ ಆಖ್ಯಾನವನ್ನು ಪ್ರದರ್ಶಿಸುತ್ತಿದೆ. ದಯವಿಟ್ಟು ಇಂತಹ ಸುವರ್ಣಾವಕಾಶವನ್ನು ತಪ್ಪಿಸಿಕೊಳ್ಳದಿರಿ. ತಾವೂ ಬನ್ನಿ, ತಮ್ಮ ಬಂಧು ಬಳಗ, ಮಿತ್ರರನ್ನೂ ಕರೆತನ್ನಿ. ಯಕ್ಷಗಾನದಂತಹ ಶ್ರೇಷ್ಠ ಕಲೆಯ ಹಾಗೂ ಭಾರತದಿಂದ ಇಲ್ಲಿಯವರೆಗೆ ಆಗಮಿಸಿದ ಅತಿಥಿ ಕಲಾವಿದರ ಅಪರೂಪದ ಪ್ರದರ್ಶನವನ್ನು ನೋಡಲು ಖಂಡಿತವಾಗಿ ಬನ್ನಿ.

Buy your tickets at : https://yakshagana.yapsody.com



ಕಲಾಪರ್ವ - May 8ರಂದು Jain Temple ನಲ್ಲಿ

Aneri Arts ಸಂಸ್ಥೆಯವರು ಕನ್ನಡ ಕೂಟದ ಜೊತೆಗೂಡಿ ಪ್ರಸ್ತುತ ಪಡಿಸಲಿದ್ದಾರೆ "ಕಲಾಪರ್ವ"....ಸುಪ್ರಸಿದ್ದ ಕೊಳಲು ವಾದಕ ಪ್ರವೀಣ್ ಗೋಲ್ಖಿಂಡಿ ಅವರು ನಮ್ಮ ಬೇ ಏರಿಯಾ ಗೆ ಬರಲಿದ್ದಾರೆ. ಕಾರ್ಯಕ್ರಮ ಯಶಸ್ವಿ ಯಾಗಿ ನೆರವೇರಲೆಂದು ಕೂಟದ ಕಾರ್ಯಕಾರಿ ಸಮಿತಿ ಆಶಿಸುತ್ತದೆ. ನೆನಪಿಡಿ, ಮೇ 8 ಜೈನ್ ಟೆಂಪಲ್ , ಮಿಲ್ಪಿಟಾಸ್....ಇಂದೇ ನಿಮ್ಮ ಟಿಕೆಟ್ ಪಡೆದು ಕೊಳ್ಳಿ - http://goo.gl/KnUMHS

World renowned classical exponents Pt. Pravin Godkhindi (Flute), Pt. Ratish Tagde (Violin) & Pt. Ramdas Palsule (Tabla) will be performing at the first KalaParva event.

ಸಮಯ : Sunday, May 8th, 2016 (Mother's Day) 5:00 PM
ಸ್ಥಳ : Jain Temple Auditorium
722 S Main St, Milpitas, CA 95035

Tickets - Here
Use Promo code 'KKNC' and get 10% off this week - Hurry !!



2016 Camping - Registrations are Open ! ಜುಲೈ 29- ಜುಲೈ 31 2016

ಕನ್ನಡ ಕೂಟದ 2016 Camping ಜುಲೈ 29- ಜುಲೈ 31ರ ವರೆಗೆ ಆಯೋಜಿಸಲಾಗುವುದು. ಕೂಟದ ಸದಸ್ಯರಿಗೆ ಕ್ಯಾಮ್‌ಪಿಂಗ್ ಅತಿ ಪ್ರಿಯಕಾರವಾದದ್ದು - ಸುಮಾರು 400 ಕನ್ನಡಿಗರ ಜೊತೆಗೂಡಿ ಕ್ಯಾಂಪ್ ಫೈಯರ್ ಬಳಿ ಕುಳಿತು ಹರಟೆ ಹೊಡೆಯುತ್ತಾ, ತಿಂಡಿ ತಿನಸುಗಳನ್ನು ತಯಾರಿ ಮಾಡುತ್ತಾ, ಹೈಕಿಂಗ್ ಇತ್ಯಾದಿ ಕ್ರೀಡೆಗಳಲ್ಲಿ ತೊಡಗಿಸಿಕೊಳ್ಳುತ್ತಾ, ನಿಸರ್ಗದ ಸೌಂದರ್ಯವನ್ನು ಬಗೆಯುತ್ತಾ ನಕ್ಕು ನಲಿಯುವ ಮೂರು ದಿನದ ಅಮೋಘ ಅನುಭವ ನಮ್ಮ ಕ್ಯಾಮ್‌ಪಿಂಗ್ .

ಕೂಟದ ಸದಸ್ಯರಿಗೆ ತಮ್ಮದೇ ಟೆಂಟ್ ಹಾಕುವುದು ಬಹಳ ಅಚ್ಚು ಮೆಚ್ಚು. ನಿಮಗೆ ಟೆಂಟ್ ನಲ್ಲಿ ಮಲಗಲು ತೊಂದರೆ ಇದ್ದಲ್ಲಿ, ಕ್ಯಾಬಿನ್ ಸೌಲಭ್ಯ ವೂ ಇರುತ್ತದೆ. ಇಂದೇ ನಿಮ್ಮ Tent ಅಥವಾ Cabin ಆಯ್ಕೆಯನ್ನು ನಮಗೆ ತಿಳಿಸಿ.

ತಡಮಾಡದಿರಿ, ಇಂದೇ ನಿಮ್ಮ ಆಯ್ಕೆ ನೋಂದಾಯಿಸಿ - https://goo.gl/MjbgcB
Online payment ಸೌಕರ್ಯ ಕೂಡ ಲಭ್ಯವಿದೆ.

Your reservation is confirmed only after the payment.

ಸಮಯ : Jul 29th 2016 4PM to Jul 31st 2016 11AM
ಸ್ಥಳ : Little Basin (http://littlebasin.org/)




ಸ್ವರ್ಣಸೇತು ೨೦೧೬ ಕಥಾಸ್ಪರ್ಧೆ !!

ಪ್ರತಿಯೊಬ್ಬರಲ್ಲೂ ಒಬ್ಬ ಒಳ್ಳೆಯ ಕಥೆಗಾರನೊಬ್ಬ ಅಡಗಿರುತ್ತಾನೆ. ಅವನಿಗೆ ಅಕ್ಷರ ರೂಪ ಕೊಟ್ಟು ಸಾಕ್ಷಾತ್ಕಾರಗೊಳಿಸಲು, ಉತ್ತರ ಕ್ಯಾಲಿಫೋರ್ನಿಯಾ ಕನ್ನಡಿಗರ ಪ್ರತಿಭೆಯನ್ನು ಗುರುತಿಸಿ ಪುರಸ್ಕರಿಸಲು ಉತ್ತರ ಕ್ಯಾಲಿಫೋರ್ನಿಯಾ ಕನ್ನಡ ಕೂಟದ "ಸ್ವರ್ಣ ಸೇತು ೨೦೧೬" ಸುವರ್ಣಾವಕಾಶವೊಂದನ್ನು ನೀಡುತ್ತಿದೆ. ಕೌತುಕ ಕಥೆಯೊಂದನ್ನು ಬರೆಯಿರಿ. ಬಹುಮಾನವನ್ನು ಗೆಲ್ಲಿರಿ!

ಸ್ಪರ್ಧೆಯ ನಿಯಮಗಳು :

೧. ಕಥೆ ೧೫೦೦ ಪದಗಳನ್ನು ಮೀರದಿರಲಿ
೨. ಕಥೆ ಸ್ವಂತದ್ದಾಗಿರಬೇಕು
೩. ಕಥೆ ಬೇರೆಲ್ಲೂ (ಅಂತರ್ಜಾಲ ಮತ್ತು ಮುದ್ರಿತ ಮಾಧ್ಯಮ) ಪ್ರಕಟವಾಗಿರಬಾರದು
೪. ಒಬ್ಬರು ಒಂದಕ್ಕಿಂತ ಹೆಚ್ಚು ಕಥೆ ಕಳುಹಿಸುವಂತಿಲ್ಲ
೫. ಭಾಷಾಂತರಿಸಿದ ಕಥೆಗಳನ್ನು ಪರಿಗಣಿಸಲಾಗುವುದಿಲ್ಲ
೬. ಸ್ಯಾನ್ ಫ್ರಾನ್ಸಿಸ್ಕೋ ಕೊಲ್ಲಿ ಪ್ರದೇಶದಲ್ಲಿ ನೆಲೆಸಿರುವ ಎಲ್ಲ ಕನ್ನಡಿಗರಿಗೂ ಭಾಗವಹಿಸುವ ಅವಕಾಶವಿದೆ.
೭. ಕಥೆಗಳು ಬರಹ, ನುಡಿ ಅಥವಾ ಯುನಿಕೋಡ್ ತಂತ್ರಾಂಶದಲ್ಲಿರಬೇಕು. ಕೈಬರಹದ ಕೃತಿಗಳನ್ನು ಪರಿಗಣಿಸಲಾಗುವುದಿಲ್ಲ.
೮. ಆಯ್ದ ಕಥೆಗಳಿಗೆ ಬಹುಮಾನವಿರುತ್ತದೆ. ತೀರ್ಪುಗಾರರ ನಿರ್ಧಾರವೇ ಅಂತಿಮ.
೯. ಆಯ್ದ ಕಥೆಗಳನ್ನು ಸ್ವರ್ಣಸೇತು - ೨೦೧೬ರಲ್ಲಿ ಪ್ರಕಟಿಸಲಾಗುವುದು. ಪರಿಷ್ಕರಿಸಿ ಪ್ರಕಟಿಸುವ ಹಕ್ಕು ಸ್ವರ್ಣಸೇತು-೨೦೧೬ರ ಸಂಪಾದಕ ಸಮಿತಿಗೆ ಸೇರಿದ್ದು.
೧೦. ಕಥೆಯ ಜೊತೆಗೆ ಲೇಖಕರ ಹೆಸರು, ವಿಳಾಸ, ದೂರವಾಣಿ ಸಂಖ್ಯೆ, ಭಾವಚಿತ್ರ ಮತ್ತು ಮಿಂಚಂಚೆ ವಿಳಾಸ (email ID) ಕಳುಹಿಸಬೇಕು.
೧೨. ನಿಮ್ಮ ಕಥೆಗಳು ನಮಗೆ ತಲುಪಲು ಅಂತಿಮ ದಿನಾಂಕ ಮೇ ೨೫, ೨೦೧೬
೧೩. ನಿಮ್ಮ ಕಥೆಗಳನ್ನು ಕಳುಹಿಸಬೇಕಾದ ವಿಳಾಸ - swarnasetu2016@googlegroups.com


ಹರಿದಾಸ ದಿನ - April 24th ರಂದು Livermore Temple ನಲ್ಲಿ

ಕನ್ನಡ ಕೂಟವು 'ಹಿಂದೂ ಕಮ್ಯೂನಿಟೀ ಅಂಡ್ ಕಲ್ಚರಲ್ ಸೆಂಟರ್' ಜೊತೆಗೂಡಿ ಏಪ್ರಿಲ್ 24ರಂದು "ಹರಿದಾಸ ದಿನ"ವನ್ನು ಆಚರಿಸುತ್ತಿದೆ. ದಾಸರ ಸಾಹಿತ್ಯವನ್ನು ಸುಶ್ರಾವ್ಯ ಸಂಗೀತದಲ್ಲಿ ಕೇಳಿ ಆನಂದಿಸೋಣ, ಬನ್ನಿ.




















Dr BKS Varma ಅವರೊಡನೆ ಕೂಟದ ವಸಂತ ವೈಭವ !!
ಕೂಟದ ವಸಂತ ವೈಭವ ಕಾರ್ಯಕ್ರಮ ಏಪ್ರಿಲ್ 10ರಂದು ಛಾಬೊ ಕಾಲೇಜ್ ನಲ್ಲಿ ಮೂಡಿಬಂದಿತು. ಸಂಧರ್ಭಕ್ಕೆ ಅನುಗುಣವಾದ ಚಿತ್ರಕಲೆಯನ್ನು ಥಟ್ ಎಂದು ಪ್ರೇಕ್ಷಕರ ಮುಂದೆ ನಿರ್ಮಿಸಿದರು ಅಪರೂಪದ ಚಿತ್ರ ಕಲಾವಿದ Dr BKS Varma.ಅವರೊಡನೆ ನಾಗಚಂದ್ರಿಕೆ ಭಟ್ ಅವರ ಗಾಯನ ನೆರೆದ ಜನರ ಮನ ಸೆಳೆಯಿತು. ಜೊತೆಗೆ ನಾಟ್ಯದಲ್ಲಿ ಗಣೇಶ್ ವಾಸುದೇವ ಹಾಗೂ ವಾದ್ಯ ವೃಂದದಲ್ಲಿ ಸ್ಥಳೀಯ ವಾದಕರು ಗೀತ-ಚಿತ್ರ-ನೃತ್ಯ ವೈಭವವನ್ನು ವಿಜೃಂಭಣೆಯಿಂದ ನಡೆಸಿ ಕೊಟ್ಟರು.

ಕಾರ್ಯಕ್ರಮ ಯಶಸ್ವಿ ಯಾಗಿ ಮೂಡಿಬರಲು ಶ್ರಮಿಸಿದ ಮನೋರಂಜನಾ ಸಮಿತಿ, ಸದಸ್ಯತ್ವ ಸಮಿತಿ ಹಾಗೂ ಊಟದ ವ್ಯವಸ್ಥೆ ನಡೆಸಿಕೊಟ್ಟ ಸ್ವಯಂ ಸೇವಕರಿಗೂ , ಛಾಯಾಗ್ರಹಣ, ಅಲಂಕರಣದಲ್ಲಿ ನೆರವಾದವರಿಗೂ, ಸ್ವರ್ಣಸೇತು ವರದಿಗಾರರಿಗೂ ನಮ್ಮ ಅನಂತಾನಂತ ಧನ್ಯವಾದಗಳು.

ಪ್ರೇಕ್ಷಕರ ಮನ ಸೆಳೆದ "ರಾಕ್ ಆನ್ ರಾಗ "

ಕನ್ನಡ ಕೂಟ ಮಾರ್ಚ್ 20 ರಂದು ನಮ್ಮ ಬೇ ಏರಿಯಾದ ಸುಪ್ರಸಿದ್ದ ಕನ್ನಡ ಮ್ಯೂಸಿಕ್ ಬ್ಯಾಂಡ್ "ರಾಗ" ಜೊತೆಗೂಡಿ, "ರಾಕ್ ಆನ್ ರಾಗ !!!" ಕಾರ್ಯಕ್ರಮವನ್ನು ಆಯೋಜಿಸಿತು. ಇದರಿಂದ ಸಂಗ್ರಹಿಸಿದ ಧನವನ್ನು"ಶ್ರೀ ಶಂಕರ ಕ್ಯಾನ್ಸರ್ ಫೌಂಡೇಶನ್" ಮತ್ತು "ಒನ್ ಸ್ಕೂಲ್ ಅಟ್ ಆ ಟೈಮ್" ಸಂಸ್ಥೆಗಳಿಗೆ ಕೊಡಲಾಗುವುದು. ನಯನ ಮನೋಹರ ದೀಪ ರಂಜಿತ ಸಭಾಂಗಣವು ಪ್ರೇಕ್ಷಕರನ್ನು ಧಿಗ್ಭ್ರಮೆ ಗೊಳಿಸುತ್ತಿದ್ದಂತೆ ರಾಗ ತಂಡದ ಕಲಾವಿದರು ತಮ್ಮ ಸುಶ್ರಾವ್ಯ ಸಂಗೀತದಲ್ಲಿ ಮೈ ಮರೆಸಿದರು. ಕಾರ್ಯಕ್ರಮವನ್ನು ಅದ್ಧೂರಿಯಿಂದ ನಡೆಸಿಕೊಟ್ಟ ರಾಗ ತಂಡಕ್ಕೆ ಕೂಟದ ಕಾರ್ಯಕಾರಿ ಸಮಿತಿ ಚಿರ ರುಣಿ.

ಸ್ನೇಹ ಸುಗ್ಗಿಯ ಪ್ರಯುಕ್ತ ಸಾವಿರಕ್ಕೂ ಮೀರಿದ ಕನ್ನಡ ಕೂಟದ ಜನ ಸಮೂಹ !!

ಮದ್ಯಾಹ್ನ 2ಕ್ಕೆ ಡೊಳ್ಳಿನ ಸದ್ದು ಬೇ ಏರಿಯಾ ಕನ್ನಡ ಜನ ಸಮೂಹವನ್ನು ಕಾರ್ಯಕ್ರಮಕ್ಕೆ ಬರೆ ಮಾಡಿಕೊಂಡಿತು. ನಮ್ಮ ಸದಸ್ಯತ್ವ ಸಮಿತಿ ನೆರೆದ ಜನರಿಗೆಲ್ಲ ಸದಸ್ಯತ್ವ ಪಡೆದು ದಿನದ ಕಾರ್ಯಕ್ರಮಕ್ಕೆ ನೋಂದಾಯಿಸಲು ಅನು ಮಾಡಿಕೊಟ್ಟಿತು. ಮೆರವಣಿಗೆಯ ಸಡಗರದಲ್ಲಿ ಸದಸ್ಯರು ಜೊತೆಗೂಡಿ ಒಮ್ಮತದಿಂದ ರಂಗಾಯಣವನ್ನು ಪ್ರವೇಶಿಸಿದರು.

ದೀಪ ಬೆಳಗಿ ಸದಸ್ಯರನ್ನು ಆಹ್ವಾನಿಸಿದರು ಕೂಟದ ಅಧ್ಯಕ್ಷರು. ಶ್ಲೋಕ ಉಚ್ಚಾರಣೆಯೊಂದಿಗೆ ಪ್ರಾರಂಭ ವಾದ ವೇದಿಕೆ, ಭಾವಧಾರೆ, ಪುಣ್ಯಕೋಟಿ, ಮಕ್ಕಳ ಜಾನಪದ ನೃತ್ಯ, ಅಪರೂಪದ ಕೊರವಂಜಿ ನೃತ್ಯ , ದಂಡಪಿಂಡಗಳು ಎಂಬ ಹಾಸ್ಯ ನಾಟಕ ನೆರೆದವರನ್ನು ಮನೋರಂಜಿಸಿತು. ಕೂಟದಿಂದ ಆಯೋಜಿಸಿದ ಪಂಚತಂತ್ರ ಪ್ರೇಕ್ಷಕರನ್ನು ಸೆಳೆಯಿತು.

ಒಂದು ತಾಸು ನೀಡಿದ ವಿರಾಮದಲ್ಲಿ, ಸದಸ್ಯರು, ರುಚಿಯಾದ ಭೋಜನ ಸವಿಯುತ್ತಾ ನಮ್ಮ ಚಂದಾ ನಿಗ್ರಹಣಾ ಸಮಿತಿ ಆಯೋಜಿಸಿದ ಪ್ರಾಯೋಜಕರ ಬೀಡುದಾಣಗಳಿಗೆ ಭೇಟಿ ಕೊಟ್ಟರು. ನಂತರ ನಡೆಯಿತು ನಯನ ಮನೋಹರ ತೊಗಲು ಗೊಂಬೆ ಆಟ. ನಡೆಸಿಕೊಟ್ಟ ಶ್ರೀ ಗುಂಡು ರಾಜು ಅವರಿಗೆ ಅನಂತಾನತ ಧನ್ಯವಾದಗಳು. ವಿಶೇಷ ಅತಿಥಿಗಳಾದ ಶ್ರೀಯುತ ರಾಜೇಶ್ ಕೃಷ್ಣನ್ ರವರು, ಶ್ರೀಮತಿ ಶೀಲಾ ರವರೊಂದಿಗೆ ಪ್ರೇಕ್ಷಕರನ್ನು ಸಂಗೀತದಲ್ಲಿ ತಲ್ಲೀನ ಗೊಳಿಸಿದರು.

ಕಾರ್ಯುಕ್ರಯ ಇಷ್ಟು ಸೊಗಸಾಗಿ ಮೂಡಿ ಬರಲು ಕಾರಣರಾದ ಪ್ರತೀ ಸದಸ್ಯರಿಗೂ ಕೂಟದ ಕಾರ್ಯ ನಿರ್ವಾಹಕ ಸಮಿತಿಯು ಚಿರ ಋಣಿ. ಅವರ ಶ್ರಮಕ್ಕೆ ನಮ್ಮ ಧನ್ಯವಾದಗಳು. ವರ್ಷಾದ್ಯಂತ ಕೂಟದ ಕೆಲಸವನ್ನು ಸೊಗಾಸಾಗಿ ನಡೆಸಲು ನಮಗೆ ಇದೇ ಪ್ರೇರಣೆ..

Come and Explore KKNC !!! sticky icon

ಕನ್ನಡ ಕೂಟದಲ್ಲಿ ಸದಾ ಕನ್ನಡದ ಕಾರ್ಯಕ್ರಮಗಳನ್ನು ಮಾಡುವ ಸಂಭ್ರಮ. ಪ್ರತಿ ಕಾರ್ಯಕ್ರಮಕ್ಕೂ ಅನೇಕ ಸಿದ್ಧತೆಗಳು ಬೇಕು. ಪ್ರತಿ ಕಾರ್ಯಕ್ರಮದ ಯಶಸ್ಸಿನ ಹಿಂದೆ ಅನೇಕ ಕಾರ್ಯಕರ್ತರ ಶ್ರಮದ ದುಡಿಮೆ ಇರುತ್ತದೆ. ಇದು ಶ್ರಮ ಅಲ್ಲ. ಕನ್ನಡದ ಮೇಲಿನ ಅಭಿಮಾನದಿಂದ ಮಾಡುವ ಕೆಲಸ. ನೀವೂ ಸಹ ಈ ವರ್ಷ ನಮ್ಮ ೨೦೧೬ ತಂಡದೊಡನೆ ಸೇರಿ ನಿಮ್ಮ ಸ್ನೇಹಿತರ ಗುಂಪನ್ನು ವಿಸ್ತರಿಸಬಹುದು.

1973ರಿಂದ ಹಲವಾರು ಸ್ವಯಂಚಾಲಕರು ಸೇವೆ ಸಲ್ಲಿಸಿ ನಮ್ಮ ಬೇ ಏರಿಯಾ ಕನ್ನಡ ಕೂಟವನ್ನು ಯಶಸ್ವಿಯಾಗಿ ನಡೆಸಿಕೊಂಡು ಬಂದಿದ್ದಾರೆ. ಬನ್ನಿ, ಈ ವರುಷ ನಾವೆಲ್ಲಾ ಕೈ ಜೋಡಿಸಿ ಕನ್ನಡ ಕೂಟದ ಸೊಬಗನ್ನು ಮತ್ತಷ್ಟು ಹೆಚ್ಚಿಸೋಣ

ಆಸಕ್ತಿ ವ್ಯಕ್ತಪಡಿಸಿ - Volunteer Sign up

Grand Sponsors

Our Partners